Դավաճանի դեմ ցանկացած միջոցառում ընդունելի է ինձ համար՝ անկախ նրանից դա սահմանադրական է, թե ոչ. Նարեկ Մանթաշյան

Այսօր կա երկու ճամբար. Մի կողմում կա Հայաստան եւ ազգային շահ, մյուս կողմում կա առանձին Նիկոլ Փաշինյան. Նա, ով փորձում է Նիկոլ Փաշինյանի շուրջը լինել, նա հակադրված է պետական շահին. այստեղ չկա երրորդ ճանապարհ: Այս մասին, այսօր՝ հունվարի 12-ին, մամուլի ասուլիսում նշեց «Այլընտրանք» ՀԿ համանախագահ Նարեկ Մանթաշյանը:

Անդրադառնալով 17 քաղաքական ուժերի հետագա գործողություններին, նա ասաց. «Կարծում եմ՝ առաջիկայում շատ ավելի հուժկու, ավելի հզոր միջոցառումներ կլինեն: Սրան խանգարեցին նաեւ տոնական օրերը: Դավաճանի դեմ ցանկացած միջոցառում ընդունելի է ինձ համար՝ անկախ այդ ճանապարհների սահմանադրական կամ հակասահմանադրական լինելուց: Բոլոր սահմանադրական ճանապարհները պետք է փորձել, բայց ամեն դեպքում Նիկոլ Փաշինյանը չունի երկար կյանք քաղաքականության մեջ»:

Ինչ վերաբերում է ՀՀ նախագահ Արմեն Սարգսյանին, Մանթաշյանն ասաց. «Նա որեւէ քայլ չի անելու, որովհետեւ նա այն նույն Արմեն Սարգսյանն է, որը սկզբում պահանջեց Նիկոլ Փաշինյանի հրաժարականը, հետո հանդիպեց նրան ու հիմա ստորագրում է Փաշինյանի բոլոր կադրային նշանակումների տակ: Այս ամենի թիվ մեկ մեղավորը Նիկոլ Փաշինյանն, իսկ նոյեմբերի10-ից սկսած նաեւ բոլոր նրանք, որոնք սատարում են նրան»:

Վերջին գրառումները

Ընտրացանկ