Եթե խտացրած կաթով թխվածքի սիրահար եք, ապա այս բաղադրատոսմն այն ամենն է, ինչ հարկավոր է։ Այսպիսով, տեսնենք, թե ինչպես այդպիսի թխվածք պատրաստենք՝ ի ուրախություն մեզ և մեր մտերիմների։

Բաղադրիչներ՝

6 հավկիթ,

1 բաժակ շաքարավազ,

1 բաժակ ալյուր,

1 թ/գ փխրեցուցիչ,

400գ․ մաքրած արևածաղկի սերմեր,

150 մ/լ կաթ,

635գ․ սերուցքային կարագ,

400գ․ եռացրած խտացրած կաթ,

150գ, թխվածքաբլիթ,

75 գ․ կաթնային շոկոլադ,

75գ․ սև շոկոլադ,

150 մ/լ սերուցք (30 տոկոս յուղայինությամբ)։

Բիսկվիթը պատրաստելու համար առանձնացնել սպիտակուցները դեղնուցներից, հարիչով հարել այնքան՝ մինչև փրփուրի վերածվի։ Այդ ընթացքում գդալով հավելել շաքարավազը։ Երբ հարթ, փայլուն զանգված ստացվի, ավելացնել դեղնուցները և շարունակել հարել նվազագույն արագությամբ։

Ստացված խառնուրդին հավելել մաղած ալյուրը և փխրեցուցիչը, ապա հունցել խմորը։Թխելու համար նախատեսված տարային ստվարաթուղթ դնել և վրան լցնել խմորը։ Ջեռոցում խմորը եփել կես ժամ, 180 աստիճան ջերմության ներքո։

Միջուկը պատրաստելու համար 125գ․ հալեցված կարագը՝ 4 ճ/գ կաթի հետ միասին լցնել փոքրիկ կաթսայում, ավելացնել արևածաղկի սերմերը։ Խառնուրդը 10-15 րոպե եփել մարմանդ կրակի վրա։

Մեկ այլ տարայում ևս ստվարաթուղթ դնել և ստացված զանգվածը լցնել վրան։ Ջեռոցում այն եփել մինչև ոսկեգույն դառնալը՝ 5-7 րոպեն մեկ անգամ ստուգելով և խառնելով։

Պատրաստի միջուկը թողնել, որ սառչի։Կրեմը պատրաստելու համար հարել 500 գ․ փափեկցված կարագը՝ մինչև միատարր զանգված ստանալը։ Հետո դրան հավելել միջուկը, խտացրած կաթը և խառնել։

Բիսկվիթը երկու մասի բաժանել՝ հավասարապես կրեմ և միջուկ քսելով։ Հավաքել թխվածքը և տաքացնել մնացյալ Կաթը։Տաք կաթի մեջ մանրացված թխվածքաբլիթը և քսել կրեմի վերին շերտին։


Հետո տաքացնել սերուցքը՝ դրան շոկոլադ հավելելով և խառնել՝ մինչև միատարր զանգված ստացվի։ Տաք ջնարակը լցնել թխվածքին։

Թխվածքը պահել սառնարանում։ Մատուցելուց 30 րոպե առաջ այն անպայման հանել սառնարանից, որպեսզի կրեմը փափուկ և նուրբ դառնա։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Fill out this field
Fill out this field
Մուտքարեք վավերական էլ-փոստի հասցեն
You need to agree with the terms to proceed